外國人狂飲熱水「變成中國人」？老夫子：你哋終於開竅啦！
一日，老夫子坐喺茶餐廳睇報紙，大番薯拎住手機衝入嚟。
【大番薯】：老夫子老夫子！你睇下TikTok，啲外國人為咗「變成中國人」，跟住飲熱水、煮蘋果、仲話要戒凍飲！佢哋係咪傻咗？
【老夫子】：（放下報紙，呷一口熱普洱茶）傻？佢哋精明過你噃。
【大番薯】：吓？飲熱水咋喎！
【老夫子】：你呀，喺香港住咁多年，凍奶茶凍檸茶不離手，胃口差、舌苔厚、朝早起身周身沉重，全部係「脾胃虛寒、濕困中焦」嘅表現！
【大番薯】：吓……咁外國人飲熱水又啱嘅？
【老夫子】：中醫經典《黃帝內經》講「形寒飲冷則傷肺」。長期飲凍飲，首先傷肺、再傷脾胃陽氣，免疫力自然下降。外國人冇中醫背景都識得跟，你日日話養生，連杯熱水都唔肯飲？哼！
【大番薯】：咁……我而家轉飲熱水嚟唔切呀？
【老夫子】：未遲。晨起一杯暖水，溫養脾胃陽氣，促進氣血運行，呢個係最簡單、最便宜嘅養生法，比你去買乜嘢神仙保健品實際得多。
【大番薯】：明白！阿姐——唔該一杯熱水！（轉頭）咦，使唔使煮埋蘋果㗎？
【老夫子】：（搖頭苦笑）一步步嚟啦，大番薯……
陳澤鵬博士 · 中醫養生小貼士：晨起一杯暖水（40-50℃），空腹慢飲，有助喚醒脾胃、促進腸道蠕動。戒凍飲一星期，你會發現舌苔變薄、精神更好。
發表迴響